Exodo 20:3-5

Magandang Balita Biblia

³ “Huwag kang sasamba sa ibang diyos, maliban sa akin.

⁴ “Huwag^(A) kang gagawa ng imahen ng anumang nilalang na nasa langit, nasa lupa, o nasa tubig upang sambahin. ⁵ Huwag^(B) mo silang yuyukuran ni sasambahin sapagkat akong si Yahweh na iyong Diyos ay mapanibughuing Diyos. Ang kasalanan ng mga magulang ay sinisingil ko sa kanilang mga anak hanggang sa ikatlo at ikaapat na salinlahi.